ലോഹിസാറിനു പ്രണാമത്തോടെ...

സംസ്ഥാന-ദേശീയ അവാര്‍ഡ് ജേതാവായ പ്രമുഖതിരക്കഥാകൃത്തും സംവിധയകനുമായിരുന്ന എ.കെ.ലോഹിതദാസ് നമ്മെ വിട്ടുപോയിട്ട് ജൂണ്‍ 28ന് ഒരുവര്‍ഷം തികയുന്നു. മലയാളസിനിമാലോകത്തിനും മലയാളസിനിമാപ്രേക്ഷകര്‍ക്കും സാംസ്കാരികലോകത്തിനും തീരാനഷ്ടമായി മാറിയിട്ട് ഒരു വര്‍ഷം തികയുന്നു.

മലയാളിയുടെ മനസ്സറിഞ്ഞ മലയാളത്തിന്റെ തനിമയുള്ള സിനിമകള്‍ നല്‍കിയ ഈ കലാകാരന്റെ ഓര്‍മ്മയുണര്‍ത്തുന്ന ഈ ദിനം നികത്താനാവാത്ത, പുനഃപ്രതിഷ്ഠ നല്‍കാന്‍ കഴിയാത്ത ഇടമാണ്, ശൂന്യതയാണ് മലയാളിക്കും മലയാളസിനിമാലോകത്തിനും സമ്മാനിച്ചത്.

സാമൂഹികപ്രതിബദ്ധതയുള്ള ഈ കലാകാരന്റെ വിടവ് പ്രതിസന്ധി നേരിടുന്ന മലയാളസിനിമാലോകത്തിനും സിനിമയെ സ്നേഹിക്കുന്ന പാവം പ്രേക്ഷകര്‍ക്കും ഇന്നും വലുതാണ്.

വീണ്ടുമൊരു വായനാദിനം കൂടി....

വായിച്ചാലും വളരും,
വായിച്ചില്ലേലും വളരും.
വായിച്ചു വളര്‍ന്നാല്‍ വിളയും,
വായിക്കാതെ വളര്‍ന്നാല്‍ വളയും.”
എന്ന് പറഞ്ഞ കുഞ്ഞുണ്ണിമാഷ് കാലയവനികയ്ക്കുള്ളില്‍ മറഞ്ഞു കഴിഞ്ഞു. പക്ഷേ, ആ വാക്കുകള്‍ ഇന്നും മലയാളി (മലയാളത്തെ സ്നേഹിക്കുന്നവന്‍ എന്നിവിടെ അര്‍ത്ഥം) മനസ്സില്‍ കൊണ്ട് നടക്കുന്നു. ആ വാക്കുകളെ ഓര്‍മ്മിപ്പിക്കുന്ന ഒരു വായനാദിനം കൂടി വന്നെത്തിയിരിക്കുന്നു. ഓരോ വായനാദിനത്തിലും പങ്കുവെക്കുന്ന ആശങ്കകള്‍ വായനയെക്കുറിച്ചാണ്. എന്തുകൊണ്ട് വായനയ്ക്ക് പഴയ പ്രതാപം ഇല്ല എന്നും അതെങ്ങനെ നമുക്ക് വീണ്ടെടുക്കാന്‍ സാധിക്കും എന്നത് പല രീതിയില്‍ പലരും പറഞ്ഞുവെക്കുന്ന ദിനമായി വായനാദിനം മാറിയെന്നു വേണമെങ്കില്‍ പറയാം. വായനശാലാസംസ്കാരം മലയാളിയുടെ ജീവിതത്തിന്റെ ഭാഗമാക്കുന്നതിനു വലിയ പങ്കു വഹിച്ച ഗ്രന്ഥശാലാ‍ സംഘത്തിന്റെ ആദ്യകാലസെക്രട്ടറിയുമായിരുന്ന പി.എന്‍.പണിക്കരുടെ ഓര്‍മ്മയായി ആചരിക്കുന്ന ഈ ദിനത്തോടനുബന്ധിച്ച് ജൂണ്‍ 19 മുതല്‍ 26 വരെയുള്ള തീയതികള്‍ വായനാവാരമായി ആചരിക്കുന്നു. ഹൈസ്ക്കൂള്‍ തലത്തില്‍ വായനാമത്സരവും ഇതോടനുബന്ധിച്ച് നടത്തുന്നു. ഈ വര്‍ഷത്തെ ഹൈസ്ക്കൂള്‍തലവായനാമത്സരം ജൂണ്‍ 28നാണ്.

ജൂണ്‍ 19ന് മിക്ക വിദ്യാലയങ്ങളിലും വായനശാലകളിലും വായനാദിനവു മായി ബന്ധപ്പെട്ട പരിപാടികള്‍ നടക്കുന്നുണ്ട്. കുട്ടികളില്‍ വായന യോടാഭിമുഖ്യം വളര്‍ത്താന്‍ സഹായി ക്കുന്ന പരിപാടികളാണ് പലപ്പോഴും സംഘടിപ്പിക്കുന്നത്. ഭാവിതലമുറ യുടെയുള്ളീലെങ്കിലും വായനയോടുള്ള അഭിഭാവം രൂപപ്പെടു ത്തിയെടുക്കാന്‍ സഹായിക്കുന്നതാവട്ടെ ഈ വായനാ ദിനവും അതോടനുബന്ധിച്ച് വിവിധസ്ഥാപനങ്ങളും സംഘടനകളും നടത്തുന്ന പരിപാടികളും എന്ന് ആത്മാര്‍ത്ഥമായി ആഗ്രഹിച്ചുകൊണ്ട് നിര്‍ത്തട്ടെ.
Avatar (Two-Disc Blu-ray/DVD Combo) [Blu-ray] 

സൌഹൃദങ്ങളുടെ സാങ്കേതികപാഠം

സൌഹൃദക്കൂട്ടായ്മകളുടെ സാങ്കേതികപാഠത്തിനു് വഴങ്ങിയത് വളരെ വൈകിയായിരുന്നു. കമ്പ്യൂട്ടര്‍ ഫീല്‍ഡില്‍ ആയിരുന്നെങ്കിലും സൌഹൃദങ്ങളുടെ മേച്ചില്‍പ്പുറങ്ങള്‍ക്ക് ഈ സാധ്യത ഉപയോഗിക്കാന്‍ ഒരു വിമുഖത ഞാന്‍ കാണിച്ചിരുന്നു. ആ വിമുഖത എന്നെ നഷ്ടബോധത്തിലേക്കാണ് നയിച്ചത്. കാരണം പലപലമേഖലയില്‍ സൌഹൃദം പങ്കുവെച്ചവരെ വീണ്ടെടുത്തത് ഞാനിവിടെയായിരുന്നു. പുതിയ ബന്ധങ്ങള്‍ സൃഷ്ടിച്ചെടുക്കുന്നതോടൊപ്പം പഴയ ബന്ധങ്ങളെ കണ്ടെത്തുകയും ചെയ്യാന്‍ ഇവിടെ സാധിച്ചു. കാലങ്ങള്‍ക്ക് ശേഷമുള്ള ആശയവേദനങ്ങളോട് വളരെ ആവേശത്തോടെ പലരും പ്രതികരിച്ചത് സന്തോഷം നല്‍കി. ആദ്യ ആവേശം വാക്കുകള്‍ക്ക് പരിമിതി നല്‍കിയെങ്കിലും അവരുടെ വിശേഷങ്ങള്‍ അവരോട് ചോദിക്കാതെതന്നെ അറിയാന്‍ എനിക്കിവിടെ  സാധിക്കുന്നു. ഇതിനിടയില്‍ ഔപചാരികശബ്ദം മാത്രം ഉപയോഗിച്ച ചിലരുണ്ടെങ്കിലും എന്നെ വളരെ നവീകരിക്കുന്നുണ്ട് ഈ സൌഹൃദങ്ങള്‍. ചില സൌഹൃദങ്ങള്‍ തേടിയെത്തുന്നതോടൊപ്പം വിശേഷങ്ങള്‍ അറിയുന്നതിനിടയ്ക്ക് സമാനമനസ്കരെന്ന് തോന്നുന്ന ചിലരെ കണ്ടുമുട്ടാനും സൌഹൃദം സൃഷ്ടിക്കാനും എനിക്ക് ഈ കൂട്ടായ്മയില്‍ സാധിക്കുന്നു. എന്റെ പഴയ സൌഹൃദങ്ങളെ ഇങ്ങനെ പുനഃസൃഷ്ടിക്കാമെന്ന തോന്നല്‍ എന്നെയിന്നു് വളരെയധികം ആവേശം കൊള്ളിക്കുന്നുണ്ട്.

Kindle Wireless Reading Device (6" Display, Global Wireless, Latest Generation)